A pesar de encontrarse abertas en horario reducido, a afluencia de visitantes a Torres do Allo continúa en marcas positiva respecto a tódolos anos anteriores. Ser un referente da historia, do patrimonio, conservar a natureza en estado puro son algunhas das moitas razóns que animaron tanto a grupos, como visitas individuais a achegarse ó pazo durante o mes de outubro.
331 persoas achegáronse as Torres do Allo para visitalas libremente ou para gozar das actividades complementarias que se celebraron durante o mes. Isto supón continuar batendo marcas respecto anos anteriores; un incremento do 20,3% respecto do mes de outubro do ano anterior e un 90,2% máis que no mesmo mes en 2015. Torres do Allo, atrae a público de tódalas procedencias. Destacan sobre todo a afluencia de visitantes da Costa da Morte ao redor do 53%. Algo máis do 43% veñen doutras partes de Galicia atraídos pola historia viva do patrimonio, a natureza en estado puro do entorno ou polo interese das actividades que se celebraron. Os visitantes procedentes doutras Comunidades Autónomas son pouco relevantes supoñendo ao redor do 3% no que Cataluña e Madrid se reparte a afluencia, en canto os visitantes internacionais continúan a ser unha porcentaxe pouco destacable con un 1%.
Torres do Allo contou durante o mes de outubro con actividades complementarias, que foron referencia a nivel galego; o ciclo de conferencias “MONOGRAFÍAS DO ALLO”, xerou que o monumento zaense fose lugar de interese destacado en distintos ámbitos da cultura nacional xerando un impacto nas redes sociais tremendamente positivo, cun alcance de 3.319 persoas.
A falta de dous meses para pechar o ano máis de 6.500 persoas puideron desfrutar da xoia patrimonial zaense, e isto supón que aínda que queden dous intensos meses de actividades por diante para pechar 2017, se supere nun 81% as visitas totais de 2015 e nun 69% as visitas de todo 2016.
Novembro será un mes moi intenso nas Torres do Allo, onde pronto prometen novas. Atentos a súas redes sociais e páxina web, prometen non defraudar!